حاجـــــــــات تــــــــفقع

حقيقي كل يوم بنشوف و نسمع حاجات تفقع مش حقولكم زي اليافطه اللي انتم شايفينها فوق دي يمكن دي تضحك اكتر من انها تفقع يعني انا مثلا و انا راكبه البيج شوط باحب اسمع اي كلام تهييس علشان ما فرقعش من غيظ المروروالبيج شوط عقبال املتك فيها مذياع "يعني راديو" وطبعا حنسمع إيه ...نجوم اف إم و اسمع معايا كده بس حضر حبوب ضغط الدم إحتياطي يعني

انا و البطيخ و هواك برنامج للحب و عن الحب مع اوووووسامه منيرمستني تعليقاتكم علي6066 او علي

8555022

او علي ايميل البرنامج علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال

الووووو
واضح ان الخط قطع
- الوو ايوا يا اثامه
اهلا نتعرف بيكي ..
- بثمه من بنــــــــــــــــها
اهلا بيكي يا بسمه ياريت تعلي صوتك شويه
- معلش يا اثامه اثل انا بتكلم من تحت البطنية ...بص يا اثامه اولا انا بموت موت موت جدا طحن في البرنامج بتاعك و والله مش بفوت ولا حلقة منه ابدا خالث و ثلملي علي الشقي الحكروت موت موت حتومه و قوله انه لذيذ اووووي و بنحبه مووت موووت

..
طبعا كلنا عارفين البرنامج ده..طيب نطفي الراديو و نحاول نشوف الفديو اللي حوالينا...حد فيكو شاف اللي بيكتبوه علي عربيات النقل و السرفيس..انا حديلكو امثله من الهلاوس دي اسمعي يا ستي و اسمع يا سيدي

(( سوقوا بالراحة يابهايم علشان السواق نايم ))
(( تعمل حسابى أقدرك تهذر معايا أعورك ))
(( حلوة ومتلمعة وعالسكة متشخلعة ))
(( عدى وأجرى على أخرك عند كمين الرادار هاقابلك))
((متبصش يا لوح دى جت بطلوع الروح ))
((ماتبصش كدا ياعبيط ، دي جاية بالتقسيط *****))
((الحلوه اسمها عنايات وليها اربع عجلات ))
((الحلوة لما تتدلع تخلى الاسمنت يولع))
((لا تقولى صاروخ ولا طياره دى صاحبها الاسطى عماره ))
((اوعى الاكس يا بتاع التاكس))
((بنزين فى التنك ولا دولار فى البنك))

ماتعرفيش الناس بتجيب العدوانيه و الهجايص دي منين..و ماتعرفيش اذا كان ورا الكلام ده فلسفه ولا ببساطه تحشيش

تروحي فرح من افراح الايام دي..و تسمعي يا ستي الاغاني اللي بيرقصوا عليها ...ومش حقولك العنب ولا بحبك يا حمار علي مقاس سعد الصغير لاء خدو مثلا واحد زي بهاء سلطان و الاغنيه الشهيره الواد قلبه بيوجعه و اسمعوا معابا النص بعد التعديل

الواد بطنه بتوجعه

و اللى بياكله يرجعه

الواد بيقول الآه

و مسهر مامته معاه

يا ضنايا يا كل ما ليا

عندك نزلة معوية

م الإسهال و السخونية

رافض مامته ترضعه

........

و الواد بطنه بتوجعه

و اللى بياكله يرجعه

واخيراً علشان نختم البوست ده وتمشياً مع فعل فقع يفقع فهو مفقوع ادي اغنيه تنفع اي واحد من المطربين اللي بيطرِشُونا كل يوم

كرهتك يا حبيبي.. وكرهت أنا الخداع

كرهتك يا نصيبي.. يا معيشني في ضياع

كرهتك زي العمى

والأزواج للحما

لإني غصب عني.. تربية إيديك .
ما دنيتنا يا حبيبي.. مسيرها حتنتهي

والعالم يا حبيبي.. حيكون خلاص صحي

حيكون الوقت فات

وبقينا ذكريات

والجيل الجاي يقرف

. ويتفوا عليك

I

I

ومش عارفه اقول طز في أيه ولا في إيه

اقولكوا ...طز في الذوق العام