كل يوم الصبح أصحى الساعة تمانية ...ابص بلا وعى ع الساعة ...و بما أنى صحيت فالطبيعى أن أقوم من السرير ..لكن قبل ما أقوم أفتكر ...أن ورايا محاضرات و مذاكرة و سكاشن ده غير المشوار لغايه الجامعه ...ورايا ...إلخ ....مع تذكرى كل اللى ورايا ...أبتدى ببطء أعود للنوم...وطبعاً تبتدي ماما تزعق و والله مانتي فالحه وتعليم ايه خلي حياتك كلها نوم ... بس فالحه كل يوم تسهري علي النت الخ الخ..علشان اريح دماغي اقوم وامري لله ..لكن ياحبايبي ياحلويين انا اكتشفت ان النهارد الجمعه
يعني اقولها بالفم المليان
يعني اقولها بالفم المليان
طظ فيكي يا كليه
2 comments:
دا انا حظى حلو بقى انى اول تعليق فى بلوجك وعلى الموضوع كمان
اسمحيلى ارحب يكى فى عالم المدونات اللى اكيد عندك فكرة عنه ههههههه
بس صدقينى انا منه تعرفت على ناس اقدر اقول انهم كويسين بس برضه ربنا يستر مفيش حد مضمون اليومين دول
نيجى بقى للبوست بتاعك بصراحة انا كنت بكره عما الكلية والدراسة وكنت عايزة اخلص بسسسرعة
حاولى تخلصى الجامعة علشان تدخلى بعد كده على الشغل ومشاكله وتشوفى النفسيات والعقول اللى هتخليكى ٢٤ ساعة بتقولى ربنا يشفى ههههههه
يالا صباحك سكر ومرة تانية نورتى عالم البلوجات
دا انا اللي حظي من [السما] لانك اول مشاركه
وانا اقول البلوج منور ليه
اتاري سما هاله عليه
اهي دي تنفع مطلع اغنيه
يغنيها في عالم المجانين المطرب العاطفي
شعبان عبد الرحيم
ما تفكرينيش بالكليه..باكرهها عما..ده حتي
الكافيتريا دمها تقيل..الظاهر اني فاشله زي
امي ما بتقول..موش عارفه مين حط في مخها
الكلام ده..دا انا ولا فخر جايبه ٩٥.٢ في الثانويه
لازم غشيتي...مانا عرفاكي..اقول لها ايه دي
المهم اسيبك علشان بكره فيه عذاب اسمه
سكشن محولات
مرسي علي الزياره الحلوه
Post a Comment